This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
MALAKI ang hinala ng pulisya nagbigti ang isang 35-anyos babae makaraang laitin ng kanyang kinakasama kahapon ng madaling-araw sa Pasay City.
Hindi na naisalba sa Pasay City General Hospital (PCGH) ang buhay ng biktimang si Jenny Oklonario, ng 118 Tenement Building, Punta, Santa Ana, Maynila.
Ayon sa report kay Pasay City Police chief, Sr. Supt. Joel Doria, naganap ang insidente dakong 1:30 a.m. sa kanilang bahay sa 2429 M. Dela Cruz St., Brgy. 127, Zone 13 ng nasabing lungsod.
Ayon sa ulat, natutulog ang biktima nang magising sa ingay ng pakikipag-inoman ng kinakasama niyang si Almario Flores, 54-anyos.
Lumabas ang biktima at pinauuwi ang nakikipag-inomang kinakasama ngunit nagalit ang lalaki at siya ay nilait na nagresulta sa kanilang pagtatalo.
Pagkaraan ay umuwi ang biktima at pumasok sa kanyang silid habang nagpatuloy sa pakikipag-inoman si Flores.
Ngunit nang umuwi si Fores ay natagpuang nakabigti na ang biktima at wala nang buhay.
Patuloy na iniimbestigahan ng pulisya ang insidente.
