This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
TULOY lang ang kampanya ng administrasyon para sa kanilang kandidato sa vice presidential race sa kabila nang pangunguna pa rin ni Sen. Chiz Escudero sa pinakabagong Pulse Asia survey.
Pormal nang inihain ni Escudero ang kanyang certificate of candidacy bilang vice presidential bet ni presidential aspirant Sen. Grace Poe sa 2016 elections.
Sa naturang survey ay pumangalawa si Sen. Bongbong Marcos kasunod sina Sen. Alan Cayetano at Sen. Antonio Trillanes IV habang humahabol pa lamang si Congresswoman Leni Robredo.
Sinabi ni Communications Secretary Herminio Coloma Jr., hindi sila nababahala at puspusan lamang ang kampanya para kay Robredo.
Ayon kay Coloma, ang mahalaga ay maipaliwanag sa taongbayan ang kahalagahang maipagpatuloy ang Daang Matuwid.
Kaya itinuturing daw nilang referendum ng Daang Matuwid ang 2016 elections kung saan pipili ang mga mamamayan kung ituloy o hindi ang benepisyo at repormang dala ng administrasyon.
