This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
TINIYAK ni Health Secretary Janet Garin, MERS-CoV Free pa rin ang Filipinas makaraang magnegatibo ang 11 pasaherong nakasalumuha o nagkaroon ng close contact sa isang Saudia national na namatay sa naturang sakit.
Ang pagtitiyak ni Garin ay kanyang ginawa sa kanyang pagharap sa budget deliberation ng Senado upang idepensa ang inihinging budget ng kanyang ahensiya para sa susunod na taon.
Ibinunyag ni Garin, natunton na nila ang lahat ng 101 pasahero at sumailalim sa pagsusuri ngunit pawang nagnegatibo sila.
Gayon man sinabi ni Garin, mayroon pang hanggang 14 araw na quarantine period para sa naturang mga pasahero para tuluyang okey na ang lahat.
Inamin ni Garin, bagama’t mayroong 15 pasaherong nakitaan ng sintomas, lima lamang sa kanila ang mahigpit na binabantayan ngayon ng Department of Health (DoH).
Tinukoy ni Garin, mismong sila ang namili ng ospital na pagdadalhan ng mga pasyente para sa close monitoring habang ang iba pang mga pasahero ay pinayuhang mag-home quarantine na lamang.
Nanawagan si Garin sa umuuwing mga Filipino at maging sa mga turistang galing sa Saudi Arabia, na agad maki-pag-ugnayan sa health officials para sa agarang pagsusuri at pagtiyak sa kanilang kaligtasan.
