HATAW! D'yaryo ng Bayan hatawtabloid.com
NAKAMIT ng Nathaniel Finale ang ratings na 42% noong Biyernes sa pangunguna ni Marco Masa na halos triple sa national TV rating ng katapat na programa na Marimar (17.4%), base sa datos ng Kantar Media.
Sadyang pinanood namin ang pagtatapos ng Nathaniel dahil gusto naming malaman kung paano napatay ng tatlong anghel na sina Sam Milby, Rayver Cruz, at Enchong Dee si Baron Geisler bilang si Tagasundo/Gustavo.
Nakakabitin kasi ang eksena nina Armen (Sam), Josiah (Rayver), at Eldon (Enchong) sa pakikipagbakbakan nila kay Gustavo dahil ilang araw silang nagte-taping tapos kaunti lang ang ipinakitang eksena.
Inisip namin na mas binigyan ng highlight si Nathaniel dahil siya mismo ang humarap at nakapatay kay Gustavo dahil siya nga naman ang bida.
May mga nagtatanong sa amin kung ano ang susunod na project ng tatlong anghel sa Dreamscape Entertainment.
Ang alam namin ay isang anghel lang ang may siguradong serye, si Sam dahil kasama siya sa Written In Our Stars with Toni Gonzaga, Jolina Magdangal, atPiolo Pascual na as of now ay hindi pa alam kung kailan ipalalabas.
FACT SHEET – Reggee Bonoan
