This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
NADAKIP ng pinagsanib puwersa ng Parañaque City Police at Philippine Drug Enforcement Agency (PDEA) ang isang Pakistani sa buy-bust operation kamakalawa ng gabi sa Paranaque City.
Kinilala ni Senior Supt. Ariel Andrade, hepe ng Paranaque City Police, ang naarestong suspect na si Muhammad Norman, 38, naninirahan sa no. 221 Aguirre Avenue, Phase II, BF Homes, Parañaque City.
Base sa isinumiteng report nina PDEA Director General Undersecretary Arturo G. Cacdac, Jr., dakong 9 p.m. nang maaresto ang suspek sa Aguirre Avenue, B.F. Homes nang nasabing lungsod.
Isang ahEnte ng PDEA ang nagpanggap na poseur buyer sa suspek na bibili ng halagang P2,000 tabletas ng Mogadon na Nitrazepan, isang uri ng hypnotic drug.
At nang iabot ng suspek ang mga nasabing droga ay agad siyang dinakma ng naka-abang mga awtoridad.
Ang suspek ay nakatakdang sampahan ng kasong paglabag sa Republic Act 9165 o Comprehensive Dangerous Drugs Act of 2012.
