[divider]
HINDI halos makapagsalita si Coco Martin nang tanggapin ang tropeong Fernando Poe Memorial Award mula sa Famas na ibinigay ng manager niyang si Biboy Arboleda sa presscon ng Ang Probinsiyano.
Abala si Coco sa promo ng serye niya sa Naga City kaya hindi niya personal na natanggap ang tropeo.
Mahigpit ang hawak ng aktor sa tropeo at tinititigan, “humihingi po ako ng paumanhin dahil hindi ako nakarating kahapon (Famas Awards night) dahil sa commitment ko po sa Naga.
“Sobrang laking karangalan po i to para sa akin dahil sa napakabatang panahon ko para sa industriya ay nabigyan ako ng ganitong klaseng award.
“Sabi ko nga po rati, hinahangaan po namin ng lola ko si FPJ, ngayon po ginawaran ako ng karangalan sa pangalan po ni Fernando Poe, Jr.
“At sana po, bilang artista, ‘yung mga bagay na kanyang sinimulan, mga adhikain para sa ating industriya sana maging daan din po ako para makatulong din sa industriya, maraming salamat po.”
May mensahe naman si Ms. Susan Roces sa itinuring na apo sa showbiz, “ang karangalang iyan ay mula noong pumanaw si FPJ, naisipan naming bigyan ng karangalan ang mga tao lalo na sa industriya na nagsasabuhay sa mga adhikain ni FPJ.
“At sa taong ito, si Coco ang karapat-dapat na tumanggap niyan, congratulations, Coco.”
FACT SHEET – Reggee Bonoan
