HATAW! D'yaryo ng Bayan hatawtabloid.com
BINIBIRO namin si Shaina Magdayao na sana magbalikan na lang sila ni Rayver Cruztutal naman ay matagal na silang magkakilala at parehong boto ang pamilya nila.
Nagkaroon kasi ng nakalipas ang dalawa noong mga bagets pa sila.
Tumatawang sagot sa amin ni Shaina, ”ha, ha, ha si Bro (tawag niya sa aktor) nagpaparamdam siya sa show (‘Nathaniel’), guest namin siya, ‘di ba, isa siya sa tatlong anghel, (kasama sina Enchong Dee at Sam Milby).”
Nataon naman na ang tatlong anghel na guest sa Nathaniel ay mga paborito namin at totoong may mabubuting puso.
“Oo nga, o ‘di ba, talagang magpapa-save ka, kapit ka kaagad kapag sila ‘yung magse-save sa ‘yo,” komento ng aktres.
Muli naming binanggit si Rayver kay Shaina, ”si Bro (Rayver), ano na ‘yan, stable na ‘yan sa buhay ko. Laging nandiyan lang ‘yan si bro sa mga mabuti kong kaibigan sa showbiz.”
Ay, hindi na puwedeng ibalik ang nakaraan, ”alam mo, ayokong mag-close ng doors, kasi hindi na natin alam kung ano ang mangyayari in the future. But as of now, wala sa isip ko pa (Rayver), promise.
“Feeling ko kasi kapag nagkaroon ako ng boyfriend, ‘yun na ‘yun (asawa), so I really wanna take my time, ayoko naman ng pa-date-date na lang kung sino lang, kilala mo naman ako.
“Mag-26 (edad) na ako sa November, so I wanna take my time kaysa naman magmadali ka, mag-commit ka at after a while, magbi-break din naman kayo, so itutuon ko na lang ang atensiyon ko sa mas mahalagang bagay and when that time comes, eh, di ‘yun na ‘yun,” katwiran ni Shaina.
Pero ang maganda kay Shaina ay hindi na raw siya namimili kung showbiz o non-showbiz ang guy.
“Sana hindi showbiz, pero tulad nga ng sinabi ko, tapos na ako sa pagiging idealistic, minsan naman non-showbiz hindi ka maintindihan, ‘pag showbiz naman, masyadong showbiz din, hindi ko alam.
“Ayaw ko ng mag-set ng any requirements dahil at the end of the day, lahat naman ‘yan may kapintasan, let’s really pray for the right one,” pahayag ni Shaina.
FACT SHEET – Regee Bonoan
