Dalagita inabuso, lolo kalaboso

ARESTADO ang isang 60-anyos lolo makaraang molestiyahin ang isang 13-anyos dalagita sa loob ng Chinese Garden sa Rizal Park, Ermita, Manila, kamakalawa ng gabi.

Bago maipa-blotter sa security office ng National Park Development Committee (NPDC) sa Rizal Park, binitbit mismo ng sekyung si Joemar Crisostomo, 41, ang suspek na si Bonifacio Del Mundo, ng 188 Banahaw St., Punta, Sta. Ana, Maynila, sa tanggapan ng MPD-Children and Women Protection Unit.

Ayon sa imbestigasyon ni PO3 Thelma Samudio, bandang 9:30 p.m. habang naka-duty si Crisostomo, sumulpot ang isang concerned citizen at isinumbong na may dalagitang minolestiya ng isang matandang lalaki sa loob ng Chinese Garden.

Agad nagresponde si Crisostomo at nasalubong ang biktima at ang suspek habang palabas ng garden. Dinala mula ang suspek sa security office bago inihatid sa MPD-Headquarters para sampahan ng kaso.