Jovit, ‘di totoong ‘di inirespeto si Alon

KAHAPON ay inilabas natin ang ukol sa pagpuna ni Wency Cornejo kay Jovit Baldivino. Pinaratangan n’ya itong hindi marunong rumespeto sa mga nakatatandang musikero.

Ito ay bunsod sa naganap na show nila sa General Santos City noong Setyembre 7 na kasama sa mga performer sina Cornejo, Baldivino, atRenee ‘Alon’ dela Rosa.

Ang tinutukoy na ‘ di pagrespeto ni Cornejo ay ang pagkanta ni Baldivino ng awitin ni Alon ng Pusong Bato.

Sa ipinadalang mensahe si Thess Gubi ng ABS-CBN Star Magic sa pamamagitan ng text, sinabi ni Lorelie G.Pacquiao, punong barangay at producer ng GenSan show na ipinaalam mismo ni Baldivino kay Alon na kakantahin niya ang Pusong Bato at hindi rin daw nagkita roon sina Cornejo at Baldivino. Narito ang kabuuan ng text message:

“Una sa lahat, taos puso kaming nagpapasalamat sa lahat ng mga performers na dumalo sa KAGATBU FESTIVAL CELEBRATION last September 7-2015 lalong lalo na po Kina JOVIT, MARCELITO, ALON and WENCY. Naging successful po ang show.

“Personal pong nagpaalam si Jovit Kay ALON  sa backstage para kantahin ang Pusong Bato at pumayag naman po si ALON at sabi Niya,”wala pong problema”. Hindi rin po nagkita si Jovit at Wency sa event. Sana po matapos na po ang issue na ito.  Maraming Salamat po. Punong barangay:Lorelie G.Pacquiao, producer ng GenSan show.