HATAW! D'yaryo ng Bayan hatawtabloid.com
AMINADO si Ria Atayde na super crush niya si Piolo Pascual. Hindi lang dahil sa guwapings si Piolo, pero dahil daw sa kabaitan din ng Kapamilya star.
“Forever! Alam naman niya iyon, e! Sobrang bait kasi ni Kuya Piolo, sobra! Wala akong masabing masama at all. Sobrang ten siya sa kaguwapuhan at pati po sa ugali. Defintely, sa looks at ugali, sobrang bait kasi niya talaga.
“Kasi si Kuya Piolo, kung makikita mo siya, maaalala ka niya kahit matagal na kayong hindi nagkikita, hindi siya nakakalimot. Sobrang ang gaan ng pakiramdam kapag kasama mo siya, e,” masayang pahayag ni Ria.
Kung makakasama raw niya sina Piolo at John Lloyd Cruz sa isang project ay sobra siyang matutuwa. ”Sobra po akong matutuwa! Kunwari sasabihin nila na makakasama ko sina Piolo at John Lloyd sa isang pelikula o teleserye, ay, sige lang! Kahit alalay lang, okay lang sa akin!” nakatawang wika pa niya.
Ipinahayag din ni Ria kung kaninong love teams siya kinikilig. “Kinikilig ako ng sobra sa mga love teams na KathNiel, LizQuen, at JaDine. Pero ang ultimate love team ko forever, Marvin and Jolina! Sobra! Grade 2 or Grade 3 yata ako, pinapanood ko na sila, e.”
Kinuha rin namin ang reaksiyon ni Ria sa pahayag ng kanyang Kuya Arjo Atayde na ayaw niyang makipag-boyfriend ito sa taga-showbiz.
“Iyong kuya ko naman, alam ko na may dahilan siya kung bakit ganoon ang sinasabi niya. Bilang close kami ng sobra at wala kaming sikreto sa isa’t isa, nirerespeto ko po iyon.
“Kung ayaw niya, alam kong mahihirapan din akong kumuha ng suporta sa kanya. So, bakit po ako susuway sa ganoon? Ayaw ko pong mangyari iyon, so okay lang sa akin. Iyong dahilan niya ay ayaw niyang sabihin, e. Pero okay lang po sa akin, carry lang.”
Paano kung hindi maiwasan na ma-in-love ka sa taga-showbiz?
Sagot niya, “Iyon lang, kakausapin ko po si Arjo, hindi ba? Sasabihin ko sa kanya na iyon talaga ang gusto ko. Pero so far, wala pong nangyayaring ganoon.”
Si Ria ay gumaganap bilang Teacher Hope sa top rating TV series na Ningning sa ABS CBN na pinagbibidahan ng child star na si Jana Agoncillo.
ALAM MO NA! – Nonie V. Nicasio
