Tuesday , July 16 2024

QC Hall Police Detachment nakaiskor ng tandem!

00 aksyon almarQUEZON City Hall Police Detachment, kamakailan ay binatikos natin ang naturang pulisya. Ito ay nang makatanggap tayo ng impormasyon hinggil sa kalokohan ng ilang tiwaling pulis na nakatalaga rito.

Kalokohang paggamit sa pangalan ng pulisya. Anong klaseng kalokohan naman?

Ano lang naman, ginagamit sa pag-ikot sa pagkalap ng detalye. Detalye ba o lingguhan intel?

Yes, iyan ang info na nakalap natin –  ginagawa ng ilang tiwali na nakatalaga sa detachment ay tinatakot ang “players” na kanilang sasalakayin ang palaruan at bahay aliwan kung hindi dodoblehin ang kanilang lingguhan ‘tara.’

Pero tayo naman ay naniniwalang walang kinalaman sa naturang gawain ang hepe ng detachment na si P/Chief Insp. Rolando Lorenzo dahil suportado nito ang kampanya ni PNoy na “daang matuwid” bukod pa sa direktiba ng PNP na tablahin ang lahat ng vices o anomang klase katarantaduhan na makasisira sa imahe ng PNP maging ng QCPD.

Sa larangan naman ng patas na pamamahayag, kung nababatikos natin ang PNP o napitik ang QC Hall Police Detachment, aba’y dapat lang din na bigyan halaga natin ang magandang trabaho ng detachment nitong nakaraang linggo kaugnay sa pagsuporta nito sa direktiba ni P/Chief  Supt. Edgardo G. Tinio, QCPD director laban sa kriminalidad sa pamamagitan ng implementasyon ng kampanya ng PNP na “Oplan Lambat/Sibat.”

Yes, ang detachment pala ni Maj. Lorenzo na hindi rin pala nagpapatalo sa mga operating unit o station ng QCPD kung kampanya laban sa krimen ang pag-uusapan. Gano’n ba iyon? Sana ha.

Oo pinatunayan ito ni Maj. Lorenzo maging ng kanyang mga tauhan nitong Agosto 28 (2015) ng madaling araw.

Dahil sa pagkaalerto ng detachment, matapos masagap sa PNP-QCPD radio hinggil sa paghahanap o paghahabol sa tumatakas na dalawang lalaking sakay ng motorsiklo matapos mangholdap sa Timog Avenue, QC, agad inalerto ni Maj. Lorenzo ang kanyang mga tauhan na nagpapatrolya sa lansangan ng lungsod.

Iniutos ni Maj. Lorenzo sa mga bataan niyang nasa labas na makiisa sa paghahanap sa tumatakas na dalawang suspek. Kaya, naglatag agad ng checkpoint sa Quirino Highway, Barangay Greater Lagro, QC, ang tatlo niyang tauhan sakay ng mobile car na nagpapatrolya sa bisinidad.

Makaraan ang ilang minuto, may paparating na motorsiklo sa checkpoint sakay ang dalawang hindi kilalang lalaki. Pinapatabi ng mga operatiba ang motorsiklo para sa isang pagtatanong o inspeksyon.

Pero sa halip tumigil, pinaharurot ng driver ang motorsiklo papalayo sa checkpoint area, kaya hinabol ng mga operatiba.

Sa ulat ng detactment, habang hinahabol ng mga pulis ang motorsiklo, pinapuputukan ng nakaangkas ang mga humahabol na pulis sakay ng mobile car.

Dahil dito, napilitan nang paputukan ng mga pulis ang dalawa. Kaya hayun, bulagta ang dalawang suspek na armado ng short firearms.

Galing naman ng mga bataan ni Maj. Lorenzo, may ibubuga rin naman pala sila pagdating sa labanan.

Ayos iyan mga pogi!

Sa operasyon, ang higit na nakatutuwa, lumalabas na kayang umilag sa bala ng mga pulis dahil walang tinamaan sa kanila matapos silang paputukan ng isa sa suspek .

May anting-anting yata ang mga taga-detachment. He he he. Joke joke… lang iyon ha.

Ano pa man, masasabing good job ang nangyari dahil nabawasan na naman ng salot ang lungsod.

Kaya sa QC Hall Police Detachment force, na pinamumunuan ni Maj. Lorenzo, saludo ang bayan sa inyong accomplishment. Sana laging ganito ang makalap kong info hinggil sa detachment – ang pagtatrabahong para sa mamamayan ng lungsod.

O paano, Maj. Lorenzo, sampu ng inyong mga tauhan. Congrats!

About Almar Danguilan

Check Also

Dragon Lady Amor Virata

Daming fake news sa socmed mga apektado kawawa naman

Isumbong mokay DRAGON LADYni Amor Virata SIYENTO PORSIYENTONG lumilitaw na ang social media ay ‘marites’ …

Sipat Mat Vicencio

Manalo kaya si Digong sa 2025 elections?

SIPATni Mat Vicencio NAGKAKAMALI ang marami kung inaakalang tuluyang makalulusot si dating Pangulong Rodrigo “Digong” …

FIRING LINE ni Robert B. Roque, Jr.

Mga mungkahi sa susunod na DepEd chief

FIRING LINEni Robert B. Roque, Jr. BAGO pa siya manumpa sa tungkulin bilang Kalihim ng …

Dragon Lady Amor Virata

Calixto ng Pasay ‘di kayang gibain

Isumbong mokay DRAGON LADYni Amor Virata KUNG mayroon man may lakas ng loob na labanan …

YANIG ni Bong Ramos

Bukod sa West Philippine Sea  
NCR, LUZON PENETRATED NA RIN NGA BA NG CHINA?

YANIGni Bong Ramos BUKOD sa West Philippine Sea (WPS), hindi nakapagtataka kung penetrated na rin …

Leave a Reply

Your email address will not be published. Required fields are marked *