This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
HINATULAN ng dalawa at kalahating taon pagkabilanggo ang dalawang Chinese national na kinasuhan ng falsification of public documents makaraan magparehistro sa Commission on Elections at nagpanggap na mga Filipino at nakaboto sa halalan.
Bukod sa pagkabilanggo, pinagmulta rin ng P5,000 ni Metropolitan Trial Court Branch 9 Judge Yolanda Leonardo sina Aurora Co Ching at kanyang anak na si Jaime.
Base sa court rectord, ginawa ni Aurora ang palsipikasyon noong Hulyo 27,1997 habang si Jaime ay noong Setyembre 3, 2003.
Nagawa ng mag-ina na makapagparehistro sa Comelec, nakakuha ng voters ID at nakaboto sa kabila na hindi pa sila Filipino citizen dahil ayon sa testimonya ni Cecilia Dorren Surio, Administrative Officer IV ng Special Committee on Naturalization Technical Working Group ng Solicitor’s Office, hindi naghain ng petisyon para sa administrative naturalization ang mag-ina.
Lumabas sa records, hindi nakakuha ang mag-ina ng Philippine citizenship and Administrative Naturalization sa ilalim ng Republic Act No. 9139.
