This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PANSAMANTALANG nakalaya mula sa hospital arrest si Senate Minority Leader Juan Ponce Enrile makaraan maglagak ng P1 milyong piyansa kaugnay sa kasong pork barrel scam.
Magugunitang nagdesisyon ang Korte Suprema na payagan si Enrile na makapagpiyansa dahil hindi ‘flight risk,’ ang matanda at mahina na ang kalusugang mambabatas.
Habang walang binayaran si Enrile sa Philippine National Police (PNP) General Hospital dahil siya ay senior citizen na at ‘covered’ ng PhilHealth kaya awtomatikong libre sa hospitalization at gamot.
Makaraang iharap si Enrile sa anti-graft court divison ng Office of the Ombudsman ay agad siyang iniuwi sa kanyang tahanan sa lungsod ng Makati.
Sa Lunes, sa araw ng sesyon ay inaasahang muling makikita sa Enrile sa session floor para dumalo sa mga pagdinig at lumahok sa mga debate kaugnay sa nakasalang na mga panukalang batas.
