Thursday , February 13 2025

James Blanco, sasabak na rin sa indie film via Balatkayo (An OFW Story)

081715 James blanco baby go

00 Alam mo na NonieMAPAPASABAK sa love scene si James Blanco sa Balatkayo (An OFW Story). Ang pelikulang ito ay mula pa rin sa produksiyon ni Ms. Baby Go, ang reyna ng indie at advocacy films.

Ayon kay James first time niyang gagawin ito sa pelikula. “Wala kay Aiko, pero parang medyo mababago yata. Kay Nathalie (Hart) ang mayroon, marami.

“First time ko siguro gagawa ng ganitong kissing scene, na may bed scene pa yata. Sa TV naman kasi, yung mga bed scene, bawal naman iyan e.”

Iyong role mo rito bilang pervert na OFW, challenge ba sa iyo yun bilang actor?

“Oo, very challenging, pero siguro ay hindi naman ganoon magiging kahirap. Ang atake ko siguro sa role, parang magiging naughty lang. Malalaki na kasi ang mga anak ko, napag-usapan naman namin ng manager ko…

“Like, sinabi nga ni Direk Buboy, hindi naman kailangan ng nude e. Iyon naman ang principle ko sa buhay since nag-start akong mag-artista. Siguro noong bata-bata pa ako, baka mapilit ako, baka magdalawang isip pa ako.

“Pero ngayon na 10 years old na iyong eldest ko, may mga tanong na kasi siya kapag napapanood na may kissing scene ako, e. Siguro, hindi talaga tayo para maghubad or ano e, pero yung kissing scene ay okay lang.

“Kasi siyempre marami nang tanong iyong mga bata, ayaw ko silang magkaroon ng malisya sa mga ginagawa ko,” mahabang esplika pa ni James.

Ang Balatkayo (An OFW Story) ay ukol sa mag-asawang kapwa OFW na nagtratrabaho sa Taiwan at Dubai. Pareho silang may kulasisi sa abroad at nagpapanggap na lang na buo ang kanilang pamilya kapag umuuwi sila sa Pilipinas. Masasangkot sa sex scandal ang kaisa-isa nilang anak na binatilyo at magpapakamatay ang kasintahan niya, kaya masisira ang buhay nito.

Bukod kina James at Nathalie, tampok dito sina Aiko Melendez, Rodjun Cruz, Bryann Foronda, at iba pa, mula sa direksiyon ni Neal ‘Buboy’ Tan.

ALAM MO NA! – Nonie V. Nicasio

About Nonie Nicasio

Check Also

Liza Soberano, Enrique Gil, Lizquen

Liza kinompirma teleserye nila ni Enrique

MA at PAni Rommel Placente TIYAK na matutuwa ang mga tagahanga nina Liza Soberano at Enrique Gil na kilala …

Pernilla Sjoö Philmar Alipayo Andi Eigenmann

Pernilla Sjoo sa isyung 3rd party kina Andi-Philmar: I’m still human, I feel hurt, it cut’s deep

MA at PAni Rommel Placente UMALMA  at nagsalita na ang Swedish girl bestfriend ni Philmar Alipayo na …

Jolina Magdangal Marvin Agustin

Jolens kinikilig inspirasyon sila ni Marvin ng maraming netizens

RATED Rni Rommel Gonzales KINIKILIG daw si Jolina Magdangal tuwing naririnig niyang nagsilbing inspirasyon sila ni Marvin Agustin at …

Charyzah Barbara Esparrago Miss Supermodel Worldwide Philippines 2025

Charyzah Esparrago itinanghal na Miss Supermodel Worldwide Philippines 2025

RATED Rni Rommel Gonzales HALOS hinakot na lahat ni Charyzah Barbara Esparrago ng Quezon City ang special …

Rhea Tan Mommy Pacita Anicoche Pacita Mansion

Pacita Mansion regalo ni Rei Tan sa ina

MATABILni John Fontanilla DREAM come true para sa napaka-generous na CE0 & President ng Beautederm …

Leave a Reply

Your email address will not be published. Required fields are marked *