Friday , March 29 2024

71-anyos food concessionaire utas sa ambush

0810 FRONTPATAY ang isang 71-anyos biyudang food concessionaire nang barilin sa ulo nang dalawang beses ng isang hinihinalang hired killer habang sumasakay sa kanyang kotse sa harap ng Our Lady of Remedies Church sa Malate, Maynila, kamakalawa ng gabi.

Binawian ng buhay habang dinadala sa Philippine General Hospital ang biktimang si Nora Chuanico Eubanas, residente sa Taft Avenue, Malate, Maynila at may-ari ng Race Foods Co., Inc.

Sa imbestigasyon ni SPO2 Jonathan Bautista, imbestigador ng Manila Police District-Homicide Section, naganap ang insidente dakong 6:45 p.m. sa harapan ng Our Lady of Remedies Church sa M.H. Del Pilar St.

Sugatan din sa insidente ang apo ng biktima na si Mikhael Eubanas, 22, dahil sa nabasag na salamin ng kotse na tinamaan ng bala.

“Medyo, malalim ito, ayaw makipag-cooperate ‘yung mga anak ng biktima, although parang me alam sila na posibleng motibo kung bakit pinaslang ‘yung nanay nila, ang sabi ng anak na doktor kapag nailibing na raw ‘yung kanilang nanay ay magsasalita siya,” ayon kay SPO2 Bautista.

Nabatid  na kasama ng biktima ang kanyang hipag na si Adella Chuanico, at ang apong si Mikhael ang nagmamaneho ng puting Ford Lynxx (XDN-719) nang maganap ang insidente.

Hinala ng pulisya, may  kaugnayan sa negosyo ang motibo sa pagpaslang sa biktima.

Samantala, nabatid ng HATAW na ang biktima at ang kanilang kompanya ay canteen concessionaire sa Texas Instruments sa TI Compound, Loakan Road, Baguio City.

Ilang taon na ang nakararaan, ang kompanya ay naharap sa labor case dahil sa pagtatangkang magtanggal ng ilang empleyado sa kanilang kompanya.

Leonard Basilio at Rhea Fe Pasumbal

About Leonard Basilio

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *