HATAW! D'yaryo ng Bayan hatawtabloid.com
BAGAMAT maganda ang kalagayan sa Canada, mas pinili ni Kevin Poblacion, 19, ang magbalik-‘Pinas para tuparin ang matagal nang pangarap, ang maging artista.
Alam ni Kevin na hindi ganoon kadali para maka-penetrate sa showbiz pero nais pa rin niyang subukan ang kanyang kapalaran kaya naman nagtitiyaga siyang sumailalim sa acting workshop ng ABS-CBN para lalong mapalawig ang kaalaman sa pag-arte. Nag-aaral din siya ng Tagalog bagamat nakaiintindi naman siya. Alam kasi ni Kevin na dapat ay mawala ang twang sa pagsasalita niya ng ating lengguwahe.
Hindi pa matatas sa pananagalog ang may dugong Ilonggong si Kevin pero Tagalog na ang sinisikap niyang gamiting lengguwahe.
Actually, iniwan ni Kevin ang trabaho niya sa Canada bilang cashier sa A&W fastfood para mag-artista na sinusuportahan naman ng kanyang mga magulang.
Bukod sa workshop, nag-VTR din si Kevin para sa mga commercial.
Pangarap ni Kevin na makatrabaho sina Marian Rivera, Piolo Pascual, at Kim Chiu. Nasa pangangalaga siya ni Boy Palma, ang manager ni Nora Aunor.
Samantala, malakas naman ang dating kay Kevin ng mga babaeng tsinita kaya ganoon na lamang ang paghanga niya kay Kim. Hindi naman siya nagagandahan kay Julia Barretto nang maitanong ito sa kanya. Bagkus, ka-level daw ng ganda ni Kim para sa kanya si Liza Soberano.
SHOWBIZ KONEK – Maricris Valdez Nicasio
