This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
NAGKAROON ng tensiyon sa tanggapan ng Department of Justice (DOJ) nang masunog ang Office of the State Prosecutor, kahapon ng umaga sa Padre Faura St., Ermita, Maynila.
Ayon sa Manila Fire Bureau, dakong 10:18 a.m. nang magsimula ang sunog at naideklarang fire out dakong 10:36 a.m.
Nabatid na sa tanggapan ni Prosecutor Agapito Fajardo sa ikalawang palapag ng Human Resources Building sa loob ng DoJ compound nagsimula ang apoy.
Hinala ng arson investigators, nagsimula ang apoy sa sinindihang scented candle sa loob ng tanggapan na ipinatong sa ibabaw ng refrigerator.
May katabi anilang lighter ang kandila kaya bahagyang lumaki ang sunog na agad ding naapula sa pamamagitan ng fire extinguisher.
