Saturday , June 15 2024

Karnaper na namemeke ng pera, timbog

ISANG lalaking hinihinalang karnaper at kabilang sa grupong nagkakalat ng mga pekeng pera sa Bulacan, ang naaresto ng pulisya sa operasyon ng mga awtoridad sa San Jose del Monte City, sa lalawigan.

Sa ulat mula sa San Jose del Monte City Police, ang naarestong suspek ay kinilalang si Alex Ortua, habang nakatakas ang kasabwat niyang si Francisco Ortua.

Nabatid sa ulat, naaresto si Alex nang maaktohan kasama si Francisco na ninanakaw ang nakaparadang motorsiklo ng isang Nonie Castro sa Brgy. Muzon, sa naturang siyudad.

Imbes masiraan ng loob, tinugis ng biktima ang dalawang suspek hanggang makorner niya si Alex ngunit si Francisco ay mabilis na nakatakas.

Agad binitbit ni Castro si Alex sa Community Police Assistance Center at iniulat ang ginawang pagnanakaw sa kanyang motorsiklo ng dalawang suspek.

Habang sumasailalim sa pagtatanong ni PO3 Lilia Sharon, imbestigador sa kaso, inamin ni Alex na sila ng nakatakas na si Francisco, bukod sa pagiging karnaper ay sangkot din sa paglilimbag ng pekeng pera,

Sa isinagawang follow-up operation sa itinurong bahay ng suspek sa Brgy. Fatima, Sapang Palay, narekober ng pulisya ang 135 piraso ng pekeng 100 peso bills na nagkakahalagang P13,500 at HP Deskjet Ink Advantage 4615 printer, silk screen with mark money, at casette tape na pinaniniwalang ginagamit ng mga suspek sa paggawa ng pekeng pera.

Mga kasong carnapping at paglabag sa RPC Art. 168 ang inihain laban sa naarestong suspek habang pinaghahanap ang nakatakas na kasama.

About Micka Bautista

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Leave a Reply

Your email address will not be published. Required fields are marked *