Monday , February 17 2025

Ex-Bantay Ilog volunteer dedo sa saksak ng adik na bayaw

PATAY ang 49-anyos lalaki matapos pagsasaksakin ng bayaw na lulong sa droga sa pagitan ng Estero de Concordia at Estero de Paco sa Paco, Maynila kamakalawa ng hapon.

Kinilala ang biktimang si Jesus Reyes, 49, dating River Warrior- Bantay Ilog  at residente sa Burgos St., Paco, Maynila na agad binawian ng buhay dakong 03:59 pm sa Philippine General Hospital (PGH). 

Base sa imbestigasyon ni SPO2 Donald Panaligan, imbestigador ng Manila Police District- Criminal Investigation and Detention Unit, pauwi ang biktima sa kanilang bahay dakong 03:15 pm nang ‘di namamalayang nakasunod na sa kanya ang suspek na si Ramil Banta, 36, tubong Cavite, asawa ng bunsong kapatid (edad 34-38 anyos), tambay, ng kaparehong tirahan, saka siya inakbayan at pinagtatarakan na parang baboy.

Ayos sa ilang residente na nakasaksi sa insidente, patalon-talong pinagsasaksak ng suspek ang biktimang noo’y nakayapos na sa kanya hanggang tuluyang bumulagta sa kalsada. Agad nagresponde ang ‘di nagpakilalang pinsan ng biktima na nagdala sa kaniya sa ospital.

Nakitaan ng matinding tama ng saksak sa magkabilang collarbone, kaliwang batok at marami pa bukod sa mga hiwa sa itaas na bahagi ng katawan ang biktima dahilan upang bawian agad ng buhay. Kuwento ng ilang opisyal ng Barangay 826 sa Burgos St., Paco, Maynila , pasimple umanong naglakad palayo ang suspek at ‘di kalauna’y nagtatakbo palayo saka inihagis sa Ilog Pasig ang kutsilyong ginamit kasama ang kanyang tsinelas.

Bago ang insidente ay madalas nang nag-aaway ang dalawa dahil bukod sa kawalan ng trabahao ng supek at pagdepende sa pensiyon ng ina nila Reyes, lulong din sa paggamit ng ilegal na droga.

Pinaghahanap na ang awtoridad ang suspek na posibleng maharap sa kasong Murder.

Rhea Fe Pasumbal/Leonard Basilio

About Leonard Basilio

Check Also

Bong Revilla Jr

300 aprobado with co-authors
Bong Revilla, naghain ng 2,000 bills sa 3 loob ng dekadang pagsisilbi

NAKAKUHA ng matinding atensiyon si Senator Ramon “Bong” Revilla, Jr., nang dumagundong ang hiyawan at …

117 AGAP Partylist

#117 AGAP Partylist nagalak sa ‘nasampolang’ bodega ng bigas sa  Bocaue, Bulacan

IKINALUGOD ng Agricultural Sector Alliance of the Philippines, Inc. (AGAP) Partylist ang pagkakahuli at pagsasampa …

Click Partylist

Click Partylist umaarangkada sa CALABARZON

PINASALAMATAN ng nangungunang technology group na Click Partylist ang mga tagasuporta para sa kanilang patuloy …

Vince Dizon DOTr

Ex-Vaccine czar, at BCDA chief hinirang bilang Transport sec

MALUGOD na tinanggap ng mga opisyal ng pamahalaan at pribadong sektor ang pagtatalaga  ni Pangulong …

Jeannie Sandoval Malabon

Malabon Mayor Jeannie Sandoval nanguna sa “voter preference” sa  isinagawang survey

NANGUNA si Malabon Mayor Jeannie Sandoval sa ibobotong mayoral candidate ng mga Malabueño, batay sa …

Leave a Reply

Your email address will not be published. Required fields are marked *