Naiibang Lorna T., mapapanood na sa Misterless Misis

INAABANGAN ang pagbabalik sa TV5 ng magaling na aktres na si Lorna Tolentino. Kasama kasi si Lorna sa newest weekend sitcom ng Kapatid Network na Misterless Misis NA makakasama niya sina Mitch Valdes, Gelli de Belen, Ritz Azul, showbiz newcomer Andie Gomez, at Ruffa Gutierrez.

Matatandaang napanood ang versatile aktres sa ilang shows at programs ng TV5 tulad ng Cassandra: Warrior Angel, Third Eye, Valiente, at Glamorosa. Napanood din si Lorna sa isang special episode ng Pidol’s Wonderland. Nagsilbi rin siya bilang isa sa judges ng Artista Academyna malaki ang nagong kontribusyon sa pagpili ng mga artistang inaalagaan ngayon ng TV5.

Ngayong balik pag-arte siya sa telebisyon, inaabangan ang naiibang Lorna dahil sa halip na drama ay magpapatawa ang versatile actress sa Misterless Misis. Matutunghayan ang galing niya sa paghirit ng mga punchline na sasabayan naman ng tatak-LT niyang pag-arte. Sa Misterless Misis, ipakikita ni Lorna ang realidad kung paano nabubuhay ang isang independent woman sa makabagong panahon.

Abangan ang muling pagbabalik ni Lorna sa TV5 saMisterless Misis, ngayong August 9 na!

TALBOG – Roldan Castro