This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PINAPAYUHAN ni Agriculture Secretary Prospero Alcala ang publiko na umiwas sa pagkonsumo ng sinasabing ‘pekeng’ bigas na naging paksa ng malaking kontrobersiya kamakailan.
Sa Kapihan sa Manila Bay media forum sa Luneta Hotel, nagbabala ang kalihim sa mamamayan na huwag maniwala sa mga balitang hindi masama ang kontrobersiyal na ‘fake’ rice na galing sa Tsina.
Batay sa ilang mga ulat, maaaring iprinoseso ang nasabing ‘pekeng’ bigas gamit ang mga synthetic material imbes iba’t ibang mga starch (gawgaw) na nagiging mga butil sa pamamagitan ng ‘extrusion process.’
Ipinaliwag ni Alcala na ang ‘extrusion process; ay nagbibigay ng oportunidad na makagawa ng bigas na may mga nutrient na wala o kulang sa bigas.
“Nagiging paraan ito para matugunan ang problema ng nutrient deficiency,” idiniin ng kalihim.
Nang tanungin ukol sa posibilidad na pagkalat ng ‘pekeng’ bigas sa merkado sa iba’t ibang lugar sa bansa, sinabi ni Alcala na para maiwasan ito, kinakailangan magpataw ng mas mabigat na parusa para mapigilan ang pagbebenta sa merkado.
“Ginawa namin ito sa ‘botcha’ at makaraang magpataw kami ng mas mataas na multa at mas mahabang panahon ng pagkabilanggoi, nawala ang botcha sa ating mga palengke,” pagtatapos niya.
