SOBRANG proud daw ang award winning actress na si Sylvia Sanchez sa kanyang anak na si Arjo Atayde na isa rin sa maituturing na mahusay na teen actor sa kanyang henerasyon.
May mga nagkukuwento kasi kay Sylvia kung gaano kabait at marespeto sa mga nakakatrabaho at gaano kahusay umarte ang kanyang anak na si Arjo na malapit nang mapanood Fernando Poe Jr, Ang Probinsyano na gaganap siyang pulis na side kick ni Coco Martin.
Para kay Sylvia, masarap pakinggan sa isang ina na mapuri ang anak lalo na’t parehong industriya ang kanilang ginagalawan. Kaya naman daw laging pinapayuhan ni Sylvia si Arjo na maging mabait, magalang, at laging propesyonal para mas maraming tao ang magmahal sa kanya at mas maraming proyekto ang dumating sa kanya.
MATABIL – John Fontanilla
