HATAW! D'yaryo ng Bayan hatawtabloid.com
TALBOG – Roldan Castro .
HALAGA ng pananampalataya at pananalig sa Diyos ang mga aral na iiwan ng karakter ni Janella Salvador na si Sophie sa top-rating drama series ng ABS-CBN na Oh My G na nakatakda nang magtapos sa Hulyo 17 (Biyernes).
Simula ng umere ito noong Enero, araw-araw nang namamayagpag ang Oh My G sa national TV ratings at social media dahil sa kapana-panabik na kuwento ni Sophie at sa mga aral na kanyang natututuhan mula kay G.
Sa huling tatlong linggo ng Oh My G, tiyak mas mahu-hook na ang lahat sa kuwento ni Sophie ngayong unti-unti nang mabubunyag sa kanya ang sakit ng kapatid na si Anne (Yen Santos).
Ano ang gagawin ni Sophie kapag natuklasan niya na maaari ring mawala sa kanya ang nag-iisang pamilya na mayroon siya? Matatanggap ba niya ang kapalaran na itinakda ni G para kay Anne matapos niya itong hanapin ng mahabang panahon?
Huwag palampasin ang huling tatlong linggo ng Oh My G, araw-araw bago mag-It’s Showtime sa Prime-Tanghali ng ABS-CBN.
