ni ROMMEL PLACENTE .
PAGKATAPOS mapabalitang nabuntis ni Robi Domingo ang girlfriend niyang si Gretchen Ho,na idinenay naman, ngayon ay may bagong isyu sa TV host/actor. Umano’y bukod kay Gretchen ay may iba pa raw siyang babae na inuuwian niya sa probinsiya.
Pero ayon kay Robi, wala rin daw itong katotohanan.Tinatawanan nga lang daw niya ang bagong isyung ito sa kanya. Nabasa nga raw niya ang tungkol dito at nasabi niya sa sarili niya na binata na raw talaga siya dahil kung noon ay ang isyu sa kanya na napapabayaan ang kanyang pag-aaral dahil sa pag-aartista, ngayon ang isyu na raw ay tungkol sa babae.
