HATAW! D'yaryo ng Bayan hatawtabloid.com
SOBRANG sweet nina John Lloyd Cruz at Bea Alonzo na kasalukuyang nasa Segovia, Spain para sa RNG show ng One More Chance kasabay na rin sa ginagawang libro na pareho rin ang titulo.
Grabe Ateng Maricris, maski na 2007 pa ipinalabas ang One More Chance ay hindi pa rin nalilimutan ng tao sina Popoy at Basha dahil maski saang lugar sila magpunta ay ito ang tawag sa kanilang dalawa.
Sa Segovia ay maraming nagtatanong kung may sequel ang One More Chance movie dahil sobrang marami raw sa kanila ang naka-relate sa istorya ng dalawang karakter at hanggang ngayon ay paulit-ulit pa ring ipinalalabas sa Cinema One na hindi naman nagsasawang panoorin ng marami.
At base sa nakita naming seryeng litrato nina John Lloyd at Bea, sobrang saya nila at talagang pagdududahan mo kung hindi mo lang alam na may kanya-kanya silang karelasyon.
Hindi kaya ang mga litratong ito ang dahilan kung bakit nagkatampuhan daw sina Angelica Panganiban at Lloydie na eventually ay naayos na?
Good thing, hindi type nina JLC at Bea ang isa’t isa kaya suwerte mo pa rin Angelica dahil iyong-iyo pa rin si Popoy.
FACT SHEET – Reggee Bonoan
