Ang pagbabalatkayo ‘kuno’ ni FFCCI Pres. Angel Ngu
Dear Sir,
Hindi ako komporme sa ginawa ni Chinese Ambassador to the Philippines Zhao Jianhua at sa sinabi ni Mr. Angel Ngu, President of the Federation of Filipino-Chinese Chambers of Commerce and Industry.
Si Ambassador Zhao Jianhua ay ini-snub niya ang pagdiriwang ng Filipino-Chinese Friendship Day at 40th Anniversary of the establishment of diplomatic relations between China and Philippines noong June 8, 2015. Magsasalita sana siya sa PICC at mangunguna sa ribbon-cutting kasama ang ating Pangulo Benigno C. Aquino III. Si Mr. Angel Ngu ay nagwika, ”I am a Filipino and I love the Philippines but I don’t want the Philippines to have a conflict with where my father came from.”
Wow, ang bigat ng kanilang ginawa at sinabi. Hindi katanggap-tanggap sa ating kulturang Pilipino. Sa atin, dadaluhan natin ang paanyaya kahit mabigat sa ating kalooban na dumalo dahil sa respeto lamang sa institusyon o sa nag-imbita. Na siyang ginawa ng ating Pangulo, dumalo siya.
Sa sinabi naman ni Ms. Ngu, kung talagang Filipino siya sa puso at mahal niya ang Pilipinas dapat walang siyang pasubali. Dapat neutral lamang siya. Kaya lang ano ang ibig niyang sabihin na ayaw niya na ang Pilipinas ay magkaroon ng hidwaan sa China kung saan galing ang kanyang ama. Hindi ba ang China ang nais kumamkam ng ating teritoryo? Dito nakita na ang kanyang pagmamahal ay wala sa puso kundi sa bunganga lamang.
Kayong mga nagbabalatkayo, umalis na kayo sa Pilipinas. Nais ninyo lamang magpayaman sa aming bansa. Wala kayong malasakit sa aming mga Pilipino. Bakit ninyo pinaiiral ang “contractualization” kung kayo ay may malasakit? Nais niyo lang ang malaking kita sa inyong mga negosyo.
SHEREE A. DALMACIO
Makati City
[divider]
