Eula at Shaira Mae, nagkaka-inggitan sa TV5 projects

STARNEWS UPLOAD – Alex Datu .

NAKALIMANG Wattpad Presents episode na si Eula Caballero at pantay sila ni Shaira Mae na ayon sa kanya, hawak na nito ang korona dahil busy ang huli sa kanyang Baker King.

“Salamat sa ‘Baker King’ dahil ito ngayon ang pinagkakaabalahan ni Shaira kaya wala na siyang time mag-taping ng ‘Wattpad’ he he he,” paeklay nito pero bigla namang bawi nang sabihing siya na ngayong ang paborito.

Aniya, “Hindi naman siguro dahil paborito ako. Nagkataon lang siguro na gusto nila akong bigyan ng kakaibang karakter. Siguro kapag may karakter na kakaiba, siguro ako ang naiisip nila. Ngayon negrita naman ako na nagsisilbing maid sa isang Korean family. Fortunately, may mga kaibigan akong half Koreans lang. Very bubly sila at nalaman ko ito nang pumunta ako sa Korea. Hindi sila nalalayo sa mga Japanese na mga animated. Para silang mga bata, sobrang masasaya.”

Sa latest ng Wattpad Presents Maid For Korean Boys, isa siyang run-away girl dahil pilit siyang ipinakakasal ng kanyang parents sa lalaking ayaw niya. Sa totoong buhay kapag nangyari ito sa kanya, ang una raw niyang gagawin ay kausapin ang mga magulang. “Sasabihin ko sa kanila kung ano ‘yung at stake. Sasabihin ko sa kanila kung hindi nila kayang tanggapin kung sino ang gusto ko, lalabas na lang muna ako sa bahay. ’Pag kalmado na sila at mas open na sila to clear me out, babalik na ako ng bahay kasi pangit naman ‘yung nasa isang bahay kayo pero ‘di mo naman kayang respetuhin ang desisyon ng mga magulang mo. Mas mabuti pang magpa-miss muna kami sa isa’t isa para ma-realize na malungkot kung hindi kayo magkakasama bilang isang pamilya.”