ni Roldan Castro
USAP-USAPAN kung November 30 ba ang anniversary nina Kathryn Bernardo at Daniel Padilla.
Tinanong sila sa Aquino and Abunda Tonight kung gaano kahalaga ang date na ito? Last year ay nag-post si Kathryn ng word na ‘happies’ sa Instagram account niya.
Mahalaga ang 30 na numero sa kanila dahil ito rin ang jersey number ni DJ sa paglalaro ng basketball.
“’Yung happiest ‘di ko alam, siguro masayang-masaya si Kat, pero yung 30 po, ‘yung idol kong basketball player sa NBA, number 30, si Steph Curry,” paliwanag ng Teen King.
Paiwas namang sinagot ni Kath na baka nagkataon lang ‘yung Nov. 30 na nagkaroon siya ng good news ng araw na ‘yun.
Itinanggi ni Kath na ‘yun ang araw na sinagot niya ng Yes si DJ. Nagbiro naman si Daniel ng ”Ibang araw. Hula pa kayo.”
Pero teka, ‘di ba hindi umaamin ang Pangako Sa ‘Yo stars sa tunay nilang status?
Hmp!
