HATAW! D'yaryo ng Bayan hatawtabloid.com
ni Pete Ampoloquio, Jr.
HABANG nasa Packo’s resto kami last week ay nasilip namin si Yam Concepcion na nagho-host ng showbiz segment (Star Patrol) sa TV Patrol na anchored regularly by Ms. Gretchen Fullido.
Siguro on leave si Gretchen, kaya si Yam ang nag-pinch hit sa kanya noong araw na ‘yon. Bonggga dahil nag-trending sa social media ang appearance na ‘yun ni Yam sa TV Patrol. Marami ang nagkagusto sa style ng hosting ng Kapamilya sexy actress at pinuri pa ang kanyang magandang boses sa ere.
Nasundan pa pala ang pagiging guest patroller ni Yam na umani uli ng iba’t ibang papuri. Well, noon pa namin isinusulat sa aming kolum na very articulate itong si Yam lalo na sa pagsasalita ng English. Sa isang sikat na university nag-aral ang nasabing celebrity So bukod sa pag-aartista ay may karapatan rin ang alaga ni Ms. Claire Dela Fuente na maging anchor ng news program o talk show host in the future. Saka bago pa sa paglabas niya sa number one news program ng Dos ay in-demand na rin si Yam sa pagho-host ng corporate show at iba pang event.
By the way, huling napanood si Yam sa teleseryeng Two Wives na gumanap siyang girlfriend ni Patrick Garcia at hindi siya nawawalan ng guesting sa mga show ng kanyang mother studio partikular sa “Ipaglaban Mo” at “Kapamilya Deal or No Deal.”
Versatile actress si Yam kaya magtatagal siya sa industriya.
Why not gyud!
COCO AT JULIA, MAGTUTULUNGAN PARA LABANAN ANG KASAMAAN SA WANSAPANATAYM PRESENTS YAMISHITA’S TREASURES
Ituturo ng Teleserye King na si Coco Martin at Kapamilya actress na si Julia Montes sa TV viewers ngayong Linggo (Mayo 24) ang masamang epekto ng pagiging sakim sa kapangyarihan sa pagpapatuloy ng “Wansapanataym Presents Yamishita’s Treasures.” Ngayong malapit na nilang mabawi ang kapangyarihan ni Demetrius (Eddie Garcia), haharap muli sa malaking pagsubok sina Yami (Coco) at Tanya (Julia) dahil sa pagpigil ni Lisandro (Noni Buencamino) sa kanilang mga plano. Paano nga ba maititigil nina Yami at Tanya ang kaguluhan sa mundo ng mga engkanto? Ano ang gagawin ni Yami sa oras na dakpin ni Lisandro ang pinakamamahal niyang si Tanya?
Kasama rin nina Coco at Julia sa “Wansapanataym Presents Yamishita’s Treasures” ang mga premyadong aktor na sina Bing Loyzaga, Arron Villaflor, Alonzo Muhlach, Ryan Bang, Marlan Flores, at Angel Aquino. Ito ay sa ilalim ng panulat ni Noreen Capili at Joel Mercado, at sa direksyon ni Avel Sunpongco.
Huwag palampasin ang pagpapatuloy ng adventure nina Coco at Julia sa “Wansapanataym Presents Yamishita’s Treasures” ngayong gabi sa ganap na 6:45 ng gabi pagkatapos ng “Goin’ Bulilit” sa ABS-CBN.
Para sa karagdagang updates, mag-log on sa www. abs-cbn.com o sundan ang @abscbndotcom sa Twitter. Samantala, maaari na ring panoorin ang full episodes o past episodes ng “Wan- sapanataym” gamit ang ABS-CBNmobile. Pumunta lamang sa www.abscbnmobile.com para sa karagdagang impormasyon.
