Kris, tinapos na ang usaping ‘di pa rin sila okey ni Ai Ai

[divider]

TINAPOS na ni Kris Aquino ang tsikang hindi pa rin sila okay ng friendship niyang si Ai Ai de las Alas base na rin sa mga nasusulat.

Sa LBC Express, Inc launching ni Kris ay natanong siya ng taga-GMA 7 kung okay na sila ng Comedy Concert Queen.

Magalang itong sinagot ni Kris, “okay naman kami, eh, nagkaroon lang ng isyu noong lumipat siya sa inyo.”

Naitanong din naman ito ng taga-GMA 7 kasi nga nasa Siete na ngayon si Ai Ai at marahil tinatanong din naman ang Queen of All Media sa komedyana.

Hindi na nagsasalita si Kris ng tungkol kay Ai Ai para sarado na, sabi nga, less talk, less mistake.

Komento ng taong malapit kay Kris, “hindi na nga nagsasalita si Kris, may isyu pa rin, eh, ‘di lalo na kung nagsalita pa siya.”

ni Reggee Bonoan