TUMANGGI si MILF chief negotiator Mohagher Iqbal na magbigay ng komento sa naglabasang ulat na pamangkin niya ang bagong Comelec Commissioner na si Sheriff Abas.
Ayon kay Iqbal, walang kinalaman sa trabaho ng sino man sa kanila ang isyu ng pagiging magkamag-anak kaya hindi siya obligadong magpaliwanag nito sa publiko.
Aniya, hindi niya alam kung bakit matindi ang interes ng ilang personalidad sa kanyang tunay na pangalan at sa kanyang mga kamag-anak.
Nanindigan din ang MILF official na ilalabas lamang niya ang kanyang tunay na pangalan kapag naipasa na ang BBL.
Una rito, ibinunyag ni Sen. Alan Peter Cayetano na Datucan Abas ang tunay na pangalan ni Iqbal batay sa mga hawak niyang dokumento.
