Square deal naghahanap pa ng kalaban

Sa pagbabalik ng pakarera sa pista ng Sta. Ana Park (SAP) ay mainam na abangan ang aming mga nasilip gaya ng mga kabayong sina King’s Reward, Square Deal, Limit Less at Windy Hour.

Si King’s Reward ay mainam sa kamay ni Miles Vacal Pilapil na tumapos ng marami pang ibubuga. Si Square Deal ay halos tangayin at hilahin ang sakay niyang si Toberts Calingasan sa ibabaw, ikanga ay senyales na naghahanap pa ng mas malakas na laban.

Si Limit Less ay sukat na sukat sa kanya ang mga distansiya sa pista ng SAP, lalo na kapag matapat pa sa gabi o malamig na panahon ang kanyang laban. Si Windy Hour ay kaya pang umulit kung sa parehong diskarte lamang ni Mark Alvarez ang gagawin sa kanya, iyong hindi kaagad magagalawan ng maaga upang sa gayon ay may maipang-tapat na lakas sa rektahan.

Mga paningit ay sina Proud Papa, Renzie Stays, Runaway Champ, Eccles Cake, Guapo Po, Relentless, Batanguena, Good Boss, Speed Maker, Bestman at Iron Monk.

ni Fred L. Magno