SISIKAPIN ng Jumbo Plastic Linoleum na makabawi sa magkasunod na kabiguan sa sagupaan nila ng delikadong AMA University sa 2015 PBA D-League Foundation Cup mamayang 3 pm sa Ynares Arena sa Pasig City.
Sa unang laro sa ganap na 1 pm ay puntirya ng Tanduay Light ang ikalawang sunod na panalo kontra MP Hotel Warriors.
Ang Jumbo Plastic ni coach Stevenson Tiu ay may 2-3 karta matapos na matalo sa huling dalawang laro nito kontra Cagayan Valey-Gerry’s Grille (73-57) at Cebuana Lhuillier (81-66).
May 3-4 record naman ang AMA Titans ni coach Mark Herrera subalit mataas ang morale dahil sa galing ito sa impresibong 107-80 panalo kontra sa KeraMix Mixers.
Kaya naman kailangan ng Giants ng mas matatag
Pinatid naman ng Tanduay Light ang four-game losing skid nito nang tambakan ang baguhang Liver Marin, 92-76. May 2-4 karta ang Rhum Masters.
Ang MP Hotel Warriors ay nasa ikasiyam na puwesto at may iisang panalo sa limang laro. Ang tangi nitong nabiktima ay ang Cagayan Valley-Gerry’s Grille, 107-106 noong Marso 26 sa pamamagitan ng last second three-point shot ni Rey Nambatas.
