Mga sideline ni male starlet, takot mabuking ng misis

ni Ed de Leon

TAKOT na takot ang male starlet na mabuko ng kanyang misis ang kanyang nakaraan. Hindi naman kasi niya inamin ang lahat ng pinagdaanan.

May panahon naman kasing matagal siyang jobless, dahil ang inaasahan lang niya noon ay showbiz, pero wala namang dumarating na trabaho. Kaya nga noon napilitan din siyang gumawa ng mga sideline.

Noong mag-asawa na siya at magka-anak, humanap na siya at nakakita naman ng mga mas matinong mapagkakakitaan. Tumigil na siya sa sidelines niya. Pero napag-uusapan pa rin iyon, dahil sa rami ng mga nakasama niya sa mga sideline niya noong araw.

Takot din siyang malaman iyon ng misis niya, pero mahirap itago iyan kung talagang marami ang nakaaalam.