Sexy Leslie,
May BF po ako at almost two years na kami. Mahal na mahal ko po siya at ganoon din siya sa akin. Kaso may pamilya at anak na po siya, naguguluhan na ako. Gusto ko na pong umalis pero kapag naiisip ko pa lang ay nahihirapan na ako. Ano po ang dapat kong gawin?
Shine of Pampanga
Sa iyo Shine,
Walang dudang mahal mo nga ang BF mo, pero madalas, kapag nagmahal ang isang tao, nagiging selfish ito at hindi na nalalaman kung ano ang tama sa mali. In your case, tama ang nagmahal ka, pero mali ang taong minahal mo. Makakaya mo bang laging second sa taong ‘yon? Kung kaya mo, wala na siguro akong magagawa, kasi tiyak na ikaw pa rin ang masusunod.
