ni Ambet Nabus
NATAWA naman si Max Collins sa itinanong naming tsismis daw tungkol sa pagiging malapit nila ngayon ni Rodjun Cruz.
“Kailangan kasi Kuya, dahil may project kami. Part po siya ng trabaho,” sey ng seksi at magandang si Max na umaming loveless at walang bf ngayon.
“Nakahihiya naman po sa gf ni Rodjun. Siguro we get along well at totoo namang napaka-gentleman ng tao. Masarap siyang maging kaibigan,” hirit pa ni Max.
“So, hanggang doon lang ‘yun. Ngayong tapos na ang project, tapos na rin ang tsismis?,”hirit naman ng isang kasamahan sa trabaho.
“Maliit lang po ang showbiz. Pangit namang sabihing porke’t tapos na ang project eh hindi na kami puwedeng maging friends. Awkward lang kasi happy naman sa lovelife niya ‘yung tao. Ako naman, gusto ko ring magkaroon ng maraming kaibigang lalaki not for anything dahil bukod sa nakatutulong sa pagiging tao ko, healthy naman siguro ‘yung bukod sa girls eh may boys kang matatawag na ‘friend, ‘di ba?,” susog pa ni Max.
