HATAW! D'yaryo ng Bayan hatawtabloid.com
ni Ambet Nabus
PROUD na proud ang mga kapwa natin Bicolano sa husay mag-estima at pagiging masang-masa ni James Reid.
Ito ang isa sa mga naimbitahang guest artists sa naging opening ceremonies ng Magayon Festival sa Albay province at talaga namang dinumog ito ng mga tao.
Kinailangan pa ngang mag-standby ng truck ng bumbero dahil sa dagsa ng tao from all over the region na gustong makita ang guwapo at mahusay na singer-actor.
Ayon nga sa mga nakasaksi sa malaking pagbabago sa pakikitungo ni James, ”kung itutuloy-tuloy niya ang ganoong attitude, siya na ang susunod na big young male star natin.”
Na-curious tuloy kami Mareng Maricris kung bakit sa ilang beses na ring nagpabalik-balik ni James sa Bicol ay ngayon lang napuri kung kailan hindi niya kasama si Nadine Lustre.
Pero bago pa man tayo ma-bash ng Jadine fans, bonggang announcement ang nakarating sa atin na uumpisahan na ang On the Wings of Love TV series nila sa ABS-CBN, bilang hudyat ng pamamayagpag nila as the next important young love team ng network. Bongga ‘di ba?
