Sa Iyo ni Nikki Bacolod, humahataw sa radio stations!

REGULAR na naririnig ang latest single na Sa Iyo ng singer, VJ, actress na si Nikki Bacolod sa mga local radio station at humahataw na bilang most requested song. Ang SA Iyo ay collaboration ng ballad singer na si Nikki & Malaysian Pop at RnB singer na siMin Yasmin. Ito ang first single mula sa album na 2Voices at Tagalog version ng Malaysian song, Hilangkanlah, na theme song ng Malaysian hit teleserye Derhaka Seorang Madu TV3.

Si Nikki ay dating 2nd runner up ng Search For The Star Million at si Min Yasmin ay singer at actress mula sa Malaysia at kilala bilang film, television at drama sound track singer. Ang Sa Iyo ay likha ni Julfekar, HA & Roosevelt T. Itum at produced ni Julfekar, isang sikat na composer at producer mula sa Malaysia at managing director ng Millennium Art Sdn. Bhd. and JULFEKAR Music sa Malaysia.

Ang album na 2Voices ay inirecord sa Kuala Lumpur at Manila at naglalaman ng ibat’ ibang musical genres at recorded sa tatlong language—Tagalog, English, at Malay). Kasama sa album ang 10 songs katulad ng Sa Iyo, Ang Tanging Dasal, Hindi Ka Na Luluha Pa, Laging Nagmamahal Sa Iyo, Sayang Naman, Ako’y Babangon Pang Muli.Tuwing Ika’y Kapiling Ko, Di Na Ako Luluha Pa, Yakap ext..

Puwede ring mapanood ang music video sa YouTube o visit julfekar@ yahoo.com.

ni Maricris Valdez Nicasio