HATAW! D'yaryo ng Bayan hatawtabloid.com
ni Ambet Nabus
HALA, naging running joke rin ang pagtawag ng “worstback” sa newly-crowned Miss Philippine-Universe na si Pia Wurtzbach dahil anila, “kung kailan maraming magaganda at magagaling, at saka pa nanalo ang three timer!”
Marami rin ang naghanap kay Phil Younghusband na umano’y siya ngayong special friend ni Pia (after Bangs Garcia).
Ikinokonek din ng ilang ‘bitter’ people ang pagiging minsan (or until now?) nitong pagiging Kapamilya artist (under Star Magic) dahil ang isa nga rin sa mga crowd favorite (and personal fave rin namin) na si Teresita Ssen Marquez o
Wynwyn ay hindi pinalad na makasungkit ng crown.
“Taga-GMA 7 kasi si Wynwyn, kahit na obvious ang husay nito at galing at talino at ganda at seksi, nakapagtatakang naetsapuwera ito sa mga major titles? Sa lahat ng candidates kasi, siya ang pinakamahusay sumagot, puno ng confidence at ismarte. Si Pia, ‘yung answer niyang ‘think before you click’ ay kinuha lang niya sa isang ad campaign ng GMA 7 on social media. Napaka-ironic ng pangyayari,”hirit pa nila.
At gaya ng marami nagtatanong din kami sa mga hurado na ang ganoong ganda at talino ni Wynwyn ay hindi man lang pinalad na mapabilang sa top seven winners of two runners-up and five title holders? Sayang ang chance sa international competition hahaha!
