ni Roldan Castro
BALIK-sirkulasyon si Claudine Barretto at sumisigaw ng unfair na ikinukompara si Julia Barretto kay Liza Soberano. Parang hindi naman ito pinagdaanan ni Claudine na ikinukompara rin siya noong araw kay Judy Ann Santos.
Kung magkaibigan ngayon sina Liza at Julia, ganoon din naman ang turingan noong araw nina Juday at Claudine. Part talaga sa showbiz na may pinagsasabong na artista lalo na ‘pag parehong sumisikat.
Balitang nagkaroon umano ng ‘di pagkakaunawaan sina Marjorie at Gretchen dahil sa pag-admire raw ng huli kay Soberano. Itinuturing daw ni Marjorie na karibal ni Julia si Liza. True ba ‘yun?
May alingasngas din at nagtatanong kung nagkabati na ba sina Claudine at Marjorie? Makikita sa kanyang Instagram account na nag-share siya ng picture na kasama niya ang anak ni Marjorie na si Leon at ang anak niyang si Santino.
Ang naturang larawan ay kuha sa campus ng Ateneo De Manila.
