Wednesday , August 10 2022

Santiago: Ibasura ang BBL

00 bullseye batuigasHINIMOK ni Sen. Miriam Defensor-Santiago ang gobyerno noong Huwebes na ibasura ang Bangsamoro Basic Law (BBL) at magsimula ng panibagong negosasyon upang maiwasto ang mga kapalpakan nito.

Naniniwala si Santiago na dapat ay hiningi raw muna ni Pres. Noynoy Aquino ang pahintulot ng Senado upang payagan ang gobyerno na makipagnegosasyon para sa paglikha ng “substate” para sa mga mamamayang Bangsamoro, na hangarin daw ng BBL.

Ni hindi pa nga raw alam kung papayagan ng Senado ang Pangulo na makipagnegosasyon para sa hiwalay na “form of government.”

Palaisipan din kung sino ang nagbigay ng awtorisasyon sa Moro Islamic Liberation Front (MILF) bilang kinatawan ng mga Bangsamoro para makipagnegosasyon sa gobyerno.

Alalahanin na sandamakmak na rebeldeng grupo ang namamayagpag sa pamemerhuwisyo sa Mindanao at paglaban sa gobyerno bukod sa MILF, na kinamumuhian ng mga taga-Mindanao. Nariyan ang Moro National Liberation Front (MNLF), Bangsamoro Islamic Freedom Fighters (BIFF), Abu Sayyaf at iba pa.

Mabuti at ipinunto ni Santiago na dating nagsilbing hukom at nakauunawa talaga sa batas. Minamadali na maipasa ang BBL sa Hunyo, kahit nagliliyab sa galit ang sambayanan sa kawalanghiyaang ginawa ng mga damuhong MILF, na katulong ang BIFF, sa pagmasaker sa 44 Special Action Force (SAF) commandos sa Mamasapano, Maguindanao noong Enero 25.

Ang tanging makikinabang sa BBL ay damuhong MILF na nais bigyan ng gobyerno ng malawak na kapangyarihan at pondohan ng P75 bilyon. Natural na papalag ang ibang grupo.

Ang gusto ng MILF ay magkaroon ng sariling gobyerno, sistema ng hustisya, pulisya at marami pang iba, pati na sa pag-audit sa bilyones na ipagkakaloob sa kanila.

Hindi ba malaking kagaguhan ito? Sa halip na itapon ang P75 bilyon nang hindi alam kung paano ito gagamitin at sino ang makikinabang, mabuti pang gamitin ito sa pagde-develop ng ating Philippine National Police (PNP) at Armed Forces of the Philippines (AFP).

Tulad ng tinalakay natin sa kolum, naniniwala rin si Santiago na kahit maaprubahan ang BBL ay magpapatuloy ang digmaan sa Mindanao dahil walang tunay na kinatawan ang mga mamamayan sa naganap na kasunduan.

Alalahanin na bukod sa mamamayang Bangsamoro ay marami rin Kristiyano na naninirahan sa Mindanao, na salungat din sa MILF at pati na sa BBL. Ngayon pa nga lang ay may mga Kristiyano nang nagsasabing handa silang makipagsagupa sa MILF. Paano mo aasahang magkakaroon ng kapayapaan sa ganitong sitwasyon, mga mare at pare ko?

Manmanan!

***

PUNA: “Magandang umaga po, sir Ruther. Pakisabi po kay kabayan at dating bise presidente Noli de Castro na huwag masyadong matabil ang bunganga niya sa pagbanat sa administrasyon ni Aquino! Dahil noon naging tuta siya ni PGMA at dapat isa sa mga kinasuhan dahil sa panloloko ng Globe Asiatique. Salamat po.”

***

TEXT 0946-8012233 para sa inyong mga sumbong, puna at reklamo.

 

ni Ruther D. Batuigas

 

About hataw tabloid

Check Also

FIRING LINE ni Robert B. Roque, Jr.

‘Di holiday ngayon; tanungin n’yo pa si JPE

FIRING LINEni Robert B. Roque, Jr. SINITA ng Commission on Audit (COA) ang Department of …

AKSYON AGAD ni Almar Danguilan

‘Wag naman…

AKSYON AGADni Almar Danguilan MATINDI ba ang galit mo kay Quezon City Mayor Joy Belmonte? …

Sipat Mat Vicencio

Mga sama ng loob ni Imee

SIPATni Mat Vicencio KUNG meron mang pinakamalungkot na nilalang sa balat ng lupa ngayon, walang …

Sipat Mat Vicencio

Poe nagulat sa pagkambiyo ni Bongbong sa DDR

SIPATni Mat Vicencio NABUHAYAN ng loob ang maraming senador kabilang na si Senator Grace Poe, …

Krystall Herbal Oil

Manugang mabilis na nanganak dahil sa Krystall Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,                Ako po …

Leave a Reply