Friday , March 29 2024

Gabby, mas type si Jake dahil marespeto raw

030715 gabby jake andi

00 fact sheet reggeeHINDI pa pala nakararating ng bansang Korea si Gabby Eigenmann kasama ang pamilya at ito nga raw sana ang next destination nila ngayong summer kaso nagkaroon siya ng TV project sa GMA 7, ang Pari Koy at Insta Dad.

“Taon-taon kasi we travel with my family at si Andi (Eigenmann) kasama si Ellie, eh kaso may project, so hindi kami matutuloy this summer. Bakasyon sana ng mga bata sa school,” say ni Gabby nang makatsikahan namin.

Kaya kung hindi magbabago ay sa Nobyembre na lang sila magbabakasyon at nabanggit nga namin ang Korea na biglang naging interesado ang aktor, ”actually, hindi pa kami nakakapunta, okay ba roon, maganda?” say ni Gabby.

Nagtanong na sa amin si Gabby at kung saan kami tumira dahil gusto nga raw niya na sa bahay lang sila dahil marami sila at mahal sa hotel.

“Nasanay kasi kami na five days lang at sa sinabi mong 8 days kayo, gusto ko ‘yan and you cook your own food, that’s nice, makakatipid,” nakangiting sabi ni Gabby sabay sabi sa asawang si Apple na mag-check na ng promo fair at bahay na titirhan nila sa nasabing bansa.

Speaking of Andi, tinanong namin kung talagang sumasama siya sa kuya Gabby niya kapag nagbabakasyon sa ibang bansa, ”ngayon lang, gusto raw niya, eh, ‘di sabi ko, okay, ako naman everybody’s welcome at saka ako kasi ang kuya ng lahat, so talagang they’ll come to me.”

Sa madaling salita, nagbibigay din si Gabby ng advice sa mga pinsan niya, ”ay madalas, parati, now kung ayaw nilang sundin, bahala sila, ako naman nagbibigay lang. ‘Yun lang naman ang puwede kong itulong, at saka malalaki na sila, alam na nila ang tama at mali,” kuwento ng aktor.

Inamin din naman ng kontrabida ni Dingdong Dantes na minsan naiinis siya kapag hindi siya sinusunod lalo na kung humihingi naman sa kanya ng payo, ”hindi maiiwasan na maiinis ka, pero nandiriyan na ‘yan, at the end of the day, sila rin naman ang may final say. Basta ako, nandito lang bilang kuya nila,” pahayag pa ng aktor.

At dahil si Andi ang topic ay natanong namin ang bagong lumutang na isyung si Jake Ejercito na raw ang tatay ni Ellie at hindi si Albie Casino.

“To tell you honestly, hindi namin napag-uusapan o hindi kami nagtatanong, at saka does it matter pa ba after all this years? Hindi naman nanghingi si Andi ng sustento kay Albie, so, bakit siya nagsasalita.

“Kaming pamilya ang nagsabing huwag ng ipa-DNA, para saan pa, eh, hindi nga niya in-admit? Ang akin lang, spare the kid, manahimik na lang lahat, walang muwang ‘yung bata,” seryosong pahayag ni Gabby.

Si Jake raw ang tatay, muli naming tanong kay Gabby.

“Hindi napag-uusapan ng pamilya at wala kaming planong magtanong at masaya kami for Andi and Ellie now,” mabilis na sagot ng aktor.

Samantala, tinanong namin si Bret Jackson na isa rin sa nali-lin kay Andi pero mabilis kaming sinagot ni Gabby ng, ”no further explanation needed.”

Kaya sa tono ni Gabby ay halatang hindi niya type ang bagong boylet ni Andi. Pero si Jake ay biglang umaliwalas ang mukha ng aktor.

”Si Jake, okay sa akin. You know why? Because may respeto ‘yung tao, mabait. Mas ano siya…alam niya kung saan siya. He would go out of his way to greet us, to show himself. Maganda ‘yung upbringing sa kanya. Matinong tao. I have no ill words to say.”

Ipinakilala na raw ni Andi si Bret sa kanilang pamilya.

“Alam naman niya. But then again, it will always be her decision, kung saan siya masaya,” diretsong sabi ni Gabby.
ni Reggee Bonoan

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *