Friday , March 29 2024

8 Kapamilya celebrities, magiging ka-sound at ka-face ng mga sikat na music icon sa Your Face Sounds Familiar

030615 your face

00 SHOWBIZ ms mINTERESTING ang bagong show ng ABS-CBN, ang Your Face Sounds Familiar, isa sa mga programang lisensiyado ng Endemol na nagdala rin sa bansa ng matatagumpay na reality at game shows gaya ng Pinoy Big Brother, Pinoy Fear Factor, 1 vs 100, Wheel of Fortune, at Kapamilya Deal or No Deal.

Iniharap sa entertainment press kahapon ang walong celebrity performers na magbabagong-anyo at magbibigay ng total transformation para maging ka-face at ka-sound ng mga pinakasikat na music icons para maghandog ng kakaibang aliw at concert experience.

Bale pangungunahan bilang host ang international RnB star at It’s Showtime host na si Billy Crawford ang local version ng worldwide hit na magsisimula na sa Marso 14 sa ABS-CBN.

“Abangan niyo dahil napakasaya nitong programa. Sana magustuhan niyo ang performances na iaalay sa inyo ng iba pang kasama natin sa industriya. It’s just going to be a really fun show and we hope everyone will watch and enjoy it,” ani Billy.

Naiiba ang Your Face Sounds Familiar dahil ani Billy, “This show is different because I get to play around with the people who are actually performing, the judges, and myself. ‘Yung ako mismo makikipaglaro rin. Tingnan niyo na lang kung ano ang mga kalokohang mangyayari rito sa show.”

Sa programa, hahamunin ang walong celebrity performers na gumanap at kopyahin ang galaw, porma, mukha, at maging boses ng iba’t ibang music icons, local man o international. Sa pamamagitan ng isang iconizer, mare-reveal ang music icon na gagayahin ng bawat celebrity performer para sa susunod na linggo.

Ngunit ang twist ay kailangan nilang eksaktong magaya ang nasabing music icon kahit ano pa man ang kasarian, edad, at estilo nito sa pamamagitan ng isang live performance na tiyak magbibigay-aliw sa mga manonood. Ang performances na ito ang huhusgahan ng kanilang co-performers at ng jury na kinabibilangan ng mga respetadong personalidad sa industriya.

Makakasama sa celebrity performers ang RnB King at bagong Kapamilyang si Jay-R, ang 6CycleMind vocalist na si Tutti Caringal, ang indie actor na si Edgar Allan Guzman, showbiz royalty na si Maxene Magalona, acoustic singer na si Nyoy Volante, komedyana at prinsesa ng masa na si Melai Cantiveros, singer-performer na si Karla Estrada, at pop icon at aktres na si Jolina Magdangal.

Ang performer na makakakuha ng pinakamataas na puntos para sa isang linggo ang magwawagi ng cash prize, na ang kalahati ay ipagkakaloob sa napili niyang charity.

Sa buong season ng programa, linggo-linggong maglalaban-laban ang performers na walang elimination. Bago naman ang finale week, bibilangin ang kabuuang puntos ng bawat performer, at ang apat na top-scorers sa kanila ang muling maghaharap para sa grand finals na ang publiko na ang pipili ng mananalong winner.

Sa paglalaban-laban nila ay ibubuhos ng bawat performer ang lahat ng alas at abilidad sa tulong na rin ng acting, dance, at vocal training kasabay ng kompletong make-up transformation para lubos na matugma ang ayos, hitsura, at galaw ng assigned music icon.

Sino-sino kaya sa walong celebrity performers ang magbibigay ng total transformation para maging ka-face at ka-sound ng sikat na music icons? Kaninong performances ang pag-uusapan at aangat?

‘Yan ang ating aabangan, kaya’t huwag palampasin ang pagsisimula ng sa Your Face Sounds Familiar sa Marso 14 at 15 ng gabi sa ABS-CBN.

 

ni Maricris Valdez Nicasio

 

 

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *