Wednesday , August 10 2022

Michael, ‘di raw pumapatol sa mas may edad sa kanya

020515 michael p

00 fact sheet reggeeITINANGGI ni Michael Pangilinan na pumatol siya sa babaeng 30 years old.

Panay kasi ang kulit sa kanya ng ilang katoto na nagkaroon siya ng girlfriend na edad 30 na madalas niyang dalawin noon sa Greenhills na dahilan din kaya sa tuwing hahanapin siya ng manager niyang si katotong Jobert Sucaldito ay hindi siya matagpuan.

“Wala naman akong naging girlfriend na ganoon, 24 years old lang ‘yung huli, “ pagtatanggol ni Michael sa sarili.

Edad 19 lang ang binatang kumanta ng Pare, Mahal Mo Ba Ako na kasalukuyang may 4 million views na sa YouTube.

Hindi naman pinagbabawalang makipagrelasyon si Michael ng manager niya, sana lang career daw muna ang pagtuunan nito ng pansin.

“Wala naman na akong girlfriend ngayon, three (3) months lang kami, wala na. Sabi nga ni ‘nay Jobert sa akin, ‘babaero’ raw ako kasi nakailang girlfriends na ako, sabi ko nga, ‘sige ‘nay, bukas manlalalaki na ako,” sabay tawa ng binata.

Samantala, nagbunga na ang pagtitiyaga ni Michael dahil malapit nang i-launch ASAP ang grupo nilang Harana kasama sina Joseph Marco, Marlo Mortel, at Bryan Santos.

Mala-Sessionistas ang concept ng Harana na ‘haharanahin’ daw nila ang girls ng ASAP20.

Matagal ng pangarap ni Michael na mapasama sa ASAP kaya naman laking tuwa niya nang malamang kasama siya sa grupo at nakakasama na rin siya sa production numbers katulad noong nakaraang Linggo, Pebrero 15.

Napasama siya kina JM de Guzman, Princess Velasco, Paolo Valenciano, KC Concepcion, at Billy Crawford para sa awiting Blank Space ni Taylor Swift.

Pagkatapos ng production number nila ay tumakbo naman siya sa ASAP Chill-Out para kantahin ni Michael ang second song niyang Pare, Mahal Mo Raw Ako na bukambibig ngayon ng lahat dahil umabot na sa 4 million views nito sa Youtube.

Pinaghahandaan din ni Michael ang papel na Crisostomo Ibarra sa stage play na Kanser mula sa Gantimpala Theater Foundation na gaganapin sa AFP theater kasama si Marion Aunor.

At dahil mahaba-habang panahon ang pagsasamahan nina Michael at Marion ay hindi kaya sila magka-developan?

Dahil sa Hunyo 2015 ay may US tour sila sa 10 cities mula Eastcoast to Westcoast na produced ni Ms Lala Aunor.

Labis din ang pasasalamat ni Michael sa lahat ng nanoood sa nakaraang show niya sa Teatrino, Greenhills noong Pebrero 11 kasama sina Morisette Amin, Duncan Ramos, Chazz, AJ Tamiza, at Ms Malu Barry with the impromptu number with Martin Nievera sa awiting Kahit Isang Saglit.

At sa Sabado, Pebrero 21 ay lilipad ng Bacolod City si Michael kasama sina Marion at Ate Gay para sa charity concert na may titulong The King Deserves The Best para sa Immaculate Conception Parish na ginagawa ngayon sa may Bakyas, Mansilingan Bacolod City.

Nasa Luklukan Festival naman si Michael sa 2015 Balibago City, Sta. Rosa Laguna kasama sina Myrtle Sarroza at Atak.

 
ni Reggee Bonoan

 

About hataw tabloid

Check Also

Zeinab Harake Rhea Tan Koreisu Toothpaste Etré Clair Beautéderm

Thankful sa tiwala ni Rhea Tan 
ZEINAB HARAKE HAPPY & HONORED MAPABILANG SA BEAUTEDERM FAMILY

ni Glen P. Sibonga IPINAGMAMALAKI ng sikat na celebrity vlogger, influencer, at social media star …

Isko Moreno Domagoso Family Paris

Yorme Isko muntik mabudol sa Paris

COOL JOE!ni Joe Barrameda MAY kumakalat na tsismis na kesyo nabugbog daw ang dating Manila …

Sharon Cuneta Cherie Gil

Sharon ‘nawala’ sa sarili nang pumanaw si Cherie

MA at PAni Rommel Placente SOBRANG  close si Sharon Cuneta kay Cherie Gil.  Kaya naman labis ang pagdadalamhati …

Cherie Gil Eigenmann

Gabby, Sid, Andi, Max may kanya-kanyang tribute kay Cherie

I-FLEXni Jun Nardo PATULOY pa rin ang pag-aalala ng pamilya, kapwa artista, at kaibigan sa …

Newcomer matagal niligawan ni talent manager

ni Ed de Leon INAAMIN ng isang newcomer, matagal daw siyang niligawan ng isang talent manager at production …

Leave a Reply