Monday , August 15 2022

Pan-Buhay: Damdamin

 

00 pan-buhay“Alisin na ninyo ang lahat ng sama ng loob, poot at galit; huwag na kayong mambubulyaw, manlalait at mananakit ng damdamin ng kapwa. Sa halip, maging mabait kayo at maawain; magpatawad kayo sa isa’t-isa tulad ng pagpapatawad sa inyo ng Diyos dahil kay Kristo.” Efeso4:31-32

Si Lando, isang panadero, ay nakakulong ngayon dahil sa pagpatay sa isa niyang kasamahan sa trabaho. Minura at ininsulto siya ng biktima kaya sa galit niya, napatay niya ito. Si Ben naman ay nakapatay din dahil naman sa matinding selos. Pinatay niya sa saksak ang hinihinala niyang kalaguyo ng kanyang misis.

Maayos sanang empleyado ng gobyerno si Jing ngunit nang umiral sa kanya ang inggit sa kayang mga kasamahang nangungurakot, natuto siyang magnakaw. Nahuli siya at ngayon ay wala ng trabaho, may kaso pa siya. Dati namang masayahin ang gurong si Lorna ngunit nang iwan siya ng asawa, tumigil siya ng pagtuturo at lagi na lang nagkukulong sa kanyang kwarto.

Si Lando, si Ben, si Jing at si Lorna – lahat sila ay nagpadala sa kanilang damdamin. Tao lang tayo at maaaring maranasan natin ang naranasan nila. Walang masama dito dahil natural lang ang magalit, ang magselos, ang mainggit, at ang malungkot. Ang magpapahamak sa atin ay kung gumawa tayo ng mga hakbang dahil sa mga ito. Malamang maging miserable ang ating buhay katulad ng nangyari sa kanila.

Para hindi tayo magpadala sa mga damdaming ito, tandaan ang mga sumusunod: 1) Huwag magsasalita, magdedesisyon o gagawa ng anuman habang mataas pa ang emosyon; 2) Magdasal muna o pumunta sa isang tahimik na lugar tulad ng simbahan at doon ibuhos ang nararamdaman sa Panginoon; 3) Ibaling pansamantala ang atensyon sa ibang kapakipakinabang na bagay; 4) Humingi ng payo sa mga taong sa iyong palagay ay makakatulong sa iyo.

Lagi, higpitan ang kapit at tiwala sa Diyos. Siya ang tunay na lunas, ang aayos ng lahat.

(Ang PAN-BUHAY ay isang pakikipagugnayan sa pamamagitan ng panulat tungkol sa ating buhay espirituwal at sa ating Panginoon na tinatawag din nating “Ang Tinapay (Pan) na Nagbibigay-Buhay”)

ni Divina Lumina

 

 

About hataw tabloid

Check Also

Krystall Nature Herbs

Health frontliner na nakabakasyon pero tinamaan ng Omicron pinaigi ng Krystall Nature Herbs

Dear Sis Fely Guy Ong,                I’m Carlos Alfon delos Reyes, 28 years old, working …

Zeinab Harake Rhea Tan Beautederm Koreisu Family Toothpaste Etré Clair

Zeinab ipinagmalaki ang fresh breath dahil sa Beautéderm, grateful kay Ms. Rhea Tan

ALAM MO NA!ni Nonie Nicasio BAKAS ang kagalakan kay Zeinab Harake dahil siya ang buwena …

Zeinab Harake Rhea Tan Koreisu Toothpaste Etré Clair Beautéderm

Thankful sa tiwala ni Rhea Tan 
ZEINAB HARAKE HAPPY & HONORED MAPABILANG SA BEAUTEDERM FAMILY

ni Glen P. Sibonga IPINAGMAMALAKI ng sikat na celebrity vlogger, influencer, at social media star …

Cebu Pacific CebPac Gr8 8 8

Gr8 8.8 Seat Sale ng CebPac inilunsad

INILUNSAD ng Cebu Pacific ang kanilang special seat sale para sa parehong domestic at international …

Zeinab Harake Rhea Tan Koreisu Toothpaste Etré Clair Beautéderm

Zeinab opisyal nang oral care ambassador ng Beautéderm

SHOWBIZ KONEKni Maricris Valdez Nicasio OPISYAL nang inilunsad ng Beautéderm Corporation ang social media star na si Zeinab …

Leave a Reply