ni Timmy Basil
MAGANDA ang nagiging takbo ng career ng bagets actor na si Jake Vargas. Unti-unti nang iniiwan ni Jake ang mga pa-tweetum na role into a more serious acting.
Bukod sa pagganap sa mga telerserye at sitcom, tamang-tama lang na once in a while gumaganap si Jake sa mga pelikula, kahit indie movie na makikita ang kakaibang Jake Vargas gaya na lang sa pelikulang Asintado, ibang Jake Vargas ang napanood natin.
Dito naman sa Liwanag Sa Dilim ay malalim din ang pagganap ni Jake.
Naku, baka sa susunod na awards night, makikita na lang natin si Jake na may dala-dala nang tropeo, wanna bet?
Of course, kung mangyayari man ito, ang unang matutuwa ay ang kanyang mentor/manager na si Kuya Germs na hanggang ngayon ay nagpapagaling pa rin dahil sa mild stroke.
