NAKAKAAWA na nakakaloka ang nangyaring murahan at awayan ng aktor/TV host at non-showbiz girlfriend nito.
Ayon sa tsika, nangyari ang insidenteng ito sa isang kilalang casino. Bale ba nanalo si aktor/TV host ng P60-M kamakailan nang magsugal. Bale sa tagal ng paglalaro nito, ngayon lang namin nabalitang nanalo ito, madalas kasing talo ito.
Sa pagkapanalong iyon ay dumating ang non-showbiz GF at sinabing magsa-shopping sa baba. Marami kasing signature shop sa baba ng nasabing casino kaya masarap nga namang mamili.
So, pinasamahan ni aktor/TV host ang GF. Pagbalik daw ni babae sa VIP room ay doon na nagalit si lalaki dahil nalaman nitong umabot sa P7.5-M ang halaga ng mga pinamili. Abonado pa nga naman siya mula sa napalunang P60-M. Nalustay na agad-agad ang kanyang napanalunan.
Kaya naman sa mismong sa mesa nag-away at nagmurahan ang mag-dyowa.
Tsk, tsk tsk, kawawang aktor/tv host, minsan lang manalo, nabokya pa. (HNT)
