Special effects ng Liwanag Sa Dilim, pinapurihan

TOTOONG makapigil-hininga ang ilang tagpo sa Liwanag Sa Dilim na pinagbibidahan nina Jake Vargas, Bea Binene, Sarah Lahbati, at Igi Boy Flores handog ng APT Entertainment. Kaya naman nagkakatawanan ang mga entertainment press na naimbitahan para mapanood ang press preview nito sa Wilsound Studio ng Sampaguita.

Masasaksihan ang loveteam nina Bea at Jake sa kakaibang konsepto na malayo sa mga pa-sweet nilang ginagawa sa TV show o movies. Kumbaga, isang malaking challenge ito sa pag-level-up ng kanilang career.

Ayon nga kay direk Richard Somes, saktong-sakto si Jake sa kanyang role bilang isang pasaway na teenager na walang pakialam sa responsibilidad. Perfect naman ang description kina Bea at Sarah habang akmang-akma ang role na nerd kay Igi Boy.

“They are also fresh and exciting faces sa screen. This is a coming-of-age movie na matagal ko nang gustong gawin in the tradition of foreign films like ‘Stand By Me’. Gusto kong ihatid na as teenager or young adult, they each have responsibilities sa mundo nilang ginagawalan,” paliwanag ni Direk Richard.

Sa pelikula, dahil sa pagiging liked na adventurer ng mga kabataan, nakatuklas sila ng malaking sikreto. Ginamit nila ang social media sa misteryong iyon pero sila rin ang naging biktima ng kanilang kakulitan.

Nakamamangha naman ang ganda ng tanawing ipinakita sa pelikula gayundin ang ganda ng cinematography. And of course ang pinag-uusapang special effect na talaga namang hahangaan ng manonood. Ito ang isa sa kapuri-puri sa pelikula.

Kaya watch n’yo na ang Liwanag Sa Dilim dahil tiyak na mag-eenjoy kayo.

ni Maricris Valdez Nicasio