ni Alex Brosas
SOLD out na ang Feburary 14 at SRO na ang February 13 playdates ng Valentine concert nina Martin Nievera, Lani Misalucha, Regine Velasquez and Gary Valenciano.
Since this is a Valentine show, natanong namin si Lani kung paano naiba ang show nila sa ibang concert sa Araw ng mga Puso.
“Special ito kasi siyempre apat kami. First time itong mangyayari. Ang hirap kayang pagsama-samahin kaming apat, schedule pa lang namin ay hirap na hirap kaming magkita-kita. Noong unang production meeting ay wala kami ni Martin. May show siya sa Amerika, ako nasa Amerika rin noon. Noong nag-photo shoot, wala, hindi kami available lahat. Ito na ang dapat panoorin kasi hindi namin tiyak kung magagawa pa namin ito.”
Ayon pa kay Lani, ang ganda ng experience niya sa tatlo, pawang magagaling ang mga ito at talagang hinahangan niya ang mga kasama niya.
