Friday , March 29 2024

Pambu-bully ng Senado

00 firing line robert roquePANGIT sa paningin ng maraming nagmamasid sa mga pagdinig ng Senate Blue Ribbon sub-committee ang ginawa kay Makati Mayor Junjun Binay noong Huwebes.

Inaresto si Binay dahil sa patuloy niyang pagtanggi na dumalo sa dalawang pagdinig ng subcommittee noong Oktubre. Pero masisisi ba nila ang alkalde kung siya ay madala?

Noong Agosto ay dumalo si Binay sa pagdinig pero marami ang nadesmaya dahil nagmukhang binabastos siya ng mga senador sa mga tanong na kanilang ibinato. May mga nakapuna na hindi pa man nahahatulan at nasa proseso pa lang ng imbestigasyon ay parang guilty na ang trato sa kanya.

Ilang ulit hiniling ng kampo ni Binay na bigyan sila ng kopya ng mga katanungan bago siya muling dumalo pero binalewala rin ito ng mga senador.

Noong Huwebes ay kusang sumama ang alkalde nang arestuhin at dalhin sa Senado pero puwersahan pa rin siyang pinadalo sa isinasagawang pagdinig kaugnay ng mga iregularidad na naganap umano sa Makati. Nagkasugat pa si Binay sa braso nang kaladkarin papuntang session hall.

May mga nag-boo, nagsigawan at nag-iyakan sa mga tagasuporta ng alkalde nang makitang ginagamitan ito ng puwersa habang ipinapasok sa loob ng session hall.

Kahit hindi imbitado ay dumalo ang mga beteranong mambabatas at abogado na sina Joker Arroyo at Rene Saguisag, na kapwa kaalyado ng ama ng alkalde na si Vice President Jejomar Binay panahon pa ng martial law.

Ayon kay Arroyo ay nangangamba raw sila na nalalabag ang Konstitusyon at karapatang pantao sa ginagawa ng mga senador. Nakapagkomento naman si Saguisag na parang umiiral na naman ang batas militar sa Senado.

Ang dalawa, na magiging bahagi ng legal team ng batang Binay, ay tinawag ang pagdinig na “inquiry in aid of persecution and election.”

Hindi ito nakapagtataka dahil marami ang nakapuna na totoo ang sinasabi ng kampo ng mga Binay, na ang hangarin ng mga pagdinig ay wasakin ang pagkatao ni Vice President Jejomar Binay at ng kanyang pamilya, upang masira rin ang tsansa niyang tumakbo para pangulo sa 2016.

Sinasamantala rin ng mga senador ang pagkakataon sa paghahanap ng mga ebidensya na magdidiin sa mga Binay, upang sila ang magpapogi sa mata ng taumbayan para sa nalalapit na halalan.

Pero walang dapat ikahiya ang batang Binay. Kung mayroon mang dapat mag-alala, ito ay walang iba kung hindi ang mga senador dahil nakita ng publiko ang kagaspangan ng kanilang pag-uugali sa pag-usig sa pamilya Binay.

Dahil wala silang napigang kasagutan mula sa alkalde kahit na puwersahan itong pinaharap ay pinalaya rin nila si Binay. Ang naganap ay pagpapakita lang ba ng puwersa na puwedeng gamitin ng subcommittee sa oras na kanilang gustuhin, at sa kahit sino na kanilang naisin?

***

SHORT BURSTS. Para sa mga komento o reaksiyon, mag-email [email protected] o mag-tweet sa @Side_View

About hataw tabloid

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *